Sifat - Sifat

Sifat bumi .. Ateges nduweni sifat sabar kang tanpa upama, senajan digaru, dipacul lan diluku, nanging malah ndadekake kesuburan kang bisa nuwuhake sawernane tetanduran, menehi sakabehing kang dikandut ing sajerone bumi tanpa bisa entek marang sapa wae tanpa pilih kasih ...

Sifat Maruta (angin) .. Ateges rumasuk marang sakabehing panggonan tanpa pilih kasih, ora peduli panggonan resik lan reged, sumrambah sakabehing panggonan kanthi warata, murakabi kanggo uripe sakabehing makhluk

Sifat surya (srengenge) ... Ateges menehi pepadhang, menehi kekuatan, menehi daya khanti rata marang bumi lan sakabehing makhluk ing ngalam donya sak isine

Sifat Candra (rembulan) ... Ateges cahayane kang lembut menehi pepadhang mrang bumi sak isine kanthi rasa seneng lan tentrem, sifat luwes, seneng marang sapadha-padha, nuwuhake rasa tresna

Sifat Akasa (langit) ... Ateges menehi pengayoman marang sakabehing maklhuk tanpa pilih kasih, menehi keadilan mbagi "mongso"

Sifat Dahana (geni) ... Ateges nduweni sifat panglebur, mbrasta angkara,mbengkas karya, mrantasi gawe prakara cilik, prakara gedhe, alus dan kasar bisa mentas amarga kekuatane geni

Sifat Kartika (Lintang) .. Ateges sifate tata lan tertib uga tanggung ora gampang kena pengaruh sapa wae, bisa menehi penglipur kang lagi rekasa, menehi panuntun marang kang lagi kabingungan

Sifat Samodra (banyu) ... Ateges nduweni watak adil lan legawa, ora nduwe watak menange dhewe, ndhuweni watak kerukunan marang sakabehing makhluk. Sifat banyu sanajan dipisahake bisa pulih maneh, uga nduweni sifat menehi panguripan, keselametan, ketentreman lan bisa nyucekake barang kang reged. Watake samudra nrima lan legawa nampa samubarang kang lumebu ....

Dikutip dari : Lewat pesan group facebook BASA JAWA, dipost oleh Restu Metriardi 08 Desember jam 23:01